"ဟလာလ် relationship"
==============
ဒီကနေ့ကျွန်တော်တို့ပတ်ဝန်းကျင် လူမှုအသိုက်အဝန်းမှာ နေကာဟ်မရှိဘဲ တည်ဆောက်ထားတဲ့ ပတ်သက်ဆက်နွယ်မှုတွေကို အများဆုံးမြင်တွေ့နိုင်ပါတယ်။ အနောက်ကမ္ဘာရဲ့ယဉ်ကျေးမှုတွေဟာ လူ့အသိုင်းဝိုင်းထဲမှာ အပြည့်အဝနီးပါးဝင်ရောက်သွားခဲ့ကြပြီး လူတွေဟာ ဟရာမ်ကိုကျူ းလွန်ဖို့ အပြစ်ဂိုနာဟ်တွေကိုပြုလုပ်ဖို့အတွက် ဝန်မလေးကြတော့တဲ့အနေအထားတစ်ခုကိုဖြစ်နေပါပြီ။ ဒါကနှလုံးသားထဲမှာ အလ္လာဟ်ကိုကြောက်တဲ့စိတ်လျော့ပါးနေလို့ပဲဖြစ်တယ်။
ဒီနေ့ ကျွန်တော်တို့ဟာ ခေတ်ရဲ့တိုးတက်မှုနဲ့အတူ မိမိရဲ့ မိသားစုအသိုင်းဝိုင်းကို ဒီးန်ရေးရာတွေမှာ တိုးတက်စွာဖန်တီးမှုတွေမပြုနိုင်ခဲ့ကြတာတွေကြောင့် မိသားစုတွေဟာ သာသနာရေးကိစ္စတွေမှာအားနည်းပြီး ခေတ်စနစ်ရဲ့ဆွဲခေါ်ရာဘက်ကို မသိမသာနစ်မွန်းမျောပါသွားခဲ့ကြကာ ကြာလာတဲ့အခါမှာတော့ ကူမနိုင်ကယ်မရဖြစ်ပြီး အမြစ်တွယ်နေတာတွေများစွာတွေ့ရပါတယ်။
ကျွန်တော်တို့ဟာ အနောက်ကမ္ဘာရဲ့ယဉ်ကျေးမှုအောက်မှာ စုန်းစုန်းမြုပ်ရောက်ရှိသွားကြပြီး လူငယ်တွေဟာ အစ္စလာမ့်စနစ်ကိုဆန့်ကျင်ပြီး သမီးရည်းစားအပတ်အသက်တွေနဲ့ ဟရာမ်ဆက်နွယ်မှုတွေအပေါ်မှာသာယာနေကြတာကိုဝမ်းနည်းစွာမြင်တွေ့နိုင်ပါတယ်။ ဒါကြောင့်မို့ဟလာလ်ဆက်နွယ်မှုတွေဖြစ်လာကြဖို့ သဘောက နိကာဟ်တွေဖြစ်လာကြဖို့ သာသနာရဲ့ လမ်းညွှန်ချက်ကို အချက်(၄)ချက်နဲ့ တိုက်တွန်းချင်ပါတယ်။
၁။ နေကာဟ်လုပ်ခြင်းဟာ အိဗာဒသ်တစ်ခုဖြစ်တယ်ဆိုတာသိထားပါ။
အစ္စလာမ်သာသနာက ပျော်စရာဖြစ်စေ၊ ပူဆွေးစရာဖြစ်စေ ကိစ္စရပ်တိုင်းမှာ ကျွန်တော်တို့ကို ပြည့်ဝတဲ့လမ်းညွှန်ချက်တွေပေးထားပါတယ်။ နိကာဟ်လို့ခေါ်တဲ့ မိသားစုဘဝအိမ်ထောင်ရေးနဲ့ပတ်သက်ပြီးလည်း ကုရ်အာန်နဲ့ဟဒီးစ်တော်တွေကနေ ဘယ်သာသနာကမှ မပြသထားတဲ့ အလွန်ကောင်းမွန်တဲ့လမ်းညွှန်ချက်တွေပေးထားပါတယ်။ အစ္စလာမ်သာသနာမှာ နေကာဟ်ထိမ်းမြားခြင်းဆိုတာ လောကီရေးရာ ကိစ္စတစ်ခုထက်ကိုပိုပါတယ်။ နေကာဟ်ထိမ်းမြားခြင်းကို အိဗာဒသ်အဖြစ် စဝါဗ်ကုသိုလ်ရရှိစေမယ့်အကြောင်းခံတစ်ခုအဖြစ်ပြုလုပ်ပေးထားပါတယ်။
တမန်တော်မြတ်(ဆွ)အမိန့်ရှိတော်မူပါတယ်။
မိမိရဲ့လိုအင်ဆန္ဒကို(မိမိရဲ့ဇနီးဖြင့်)ဖြည့်ကြပါ။ ဒါကပဲဆွဒကာအိဗာဒသ်ဖြစ်ပါတယ်။ သာဝက ဆွာဟာဗာတို့က အိုကိုယ်တော်သခင်! မိမိရဲ့စိတ်ဆန္ဒကိုပြည့်ဝအောင်ပြုလုပ်ပြီးကုသိုလ်ရတယ်ဆိုတာ ဒါဟာ ဘယ်လိုဆွဒကာအိဗာဒသ်လဲ?
တမန်တော်သခင် မိန့်ခြွေပါတယ်။ လူသားဟာပြုပိုင်ခွင့်မရှိတဲ့နေရာမှာ မိမိရဲ့စိတ်ဆန္ဒကိုပြည့်ဝအောင်ပြု လုပ်ခဲ့တယ်ဆိုရင် အပြစ်ထိုက်ပါမယ်။ ထိုနည်းအတိုင်းပဲ ဟလာလ်ဖြစ်တဲ့ပြုလုပ်ပိုင်ခွင့်ရှိတဲ့နေရာမှာ မိမိရဲ့စိတ်လိုအင်ဆန္ဒကိုဖြည့်ဆည်းခဲ့မယ်ဆိုရင် ဒါဟာ စဝါးဗ်ကိုရရှိစေပါတယ်။ (မိရ်ှကားသ်ကျမ်း-168)
ဒါကြောင့် နေကာဟ်လုပ်ခြင်းဖြင့် ဟရာမ်တွေမှရှောင်ရှားနိုင်မယ် စဝါဗ်ကုသိုလ်လည်းရရှိစေမယ် အိဗာဒသ်တစ်ခုကိုဆောက်တည်ရာလည်းကျမယ်ဆိုတာ သိထားဖို့လိုအပ်ပါတယ်။
၂။ နေကာဟ်လုပ်ခြင်းဟာ နဗီတမန်တော်များရဲ့စွန္နသ်ဓလေ့တော်ဖြစ်တယ်။
တမန်တော်မြတ်သခင် အမိန့်ရှိတော်မူပါတယ်။ လေးခုသောအရာဟာ နဗီတမန်တော်များရဲ့ စွန္နသ်တော်ဖြစ်ပါတယ်။ ၁။ နေကာဟ်လုပ်ခြင်း ၂။အမွှေးရနံ့သုတ်လိမ်းခြင်း ၃။မိစ်ဝါးက်တံပူတိုက်ခြင်း ၄။အရှက်တရားပြည့်ဝခြင်း များဖြစ်တယ်။
ကုရ်အာန်ကျမ်းတော်မြတ်ထဲမှာ အလ္လာဟ်အရှင်မြတ်သခင်ကအမိန့်ရှိထားပါတယ်။
[မုချငါအရှင်မြတ်က အသင့်အလျင် ရစူလ်တမန်တော်များကိုစေလွတ်ခဲ့ပါတယ်။ ၄င်းနောက်ငါအရှင်မြတ်က ထိုသူများအတွက် ဇနီးကြင်ယာများနဲ့ သားသမီးများကို စီမံပြုလုပ်ပေးတော်မူခဲ့ပါတယ်။ (စူရာဟ်ရအဒ် -၃၈)
ဒါကြောင့် နေကာဟ်လုပ်ပြီး ဟလာလ်ဖြစ်အောင်ကြိုးစားပါ။ နဗီများရဲ့စွန္နသ်တော်အပေါ်မှာ လိုက်နာခြင်းဖြင့် စဝါးဗ်ရယူပါ။
၃။ ငွေရေးကိစ္စအပေါ်အလွန်သောကမပိုက်ထားပါနဲ့။
နေကာဟ်လုပ်ပြီးတဲ့နောက်ပိုင်းမှာ အိမ်စရိတ် အမျိုးသမီးသုံးစွဲစရိတ် အစားအသောက်စရိတ် စသဖြင့်အရေးကြီးတဲ့ကိစ္စရပ်တွေကို စီစဉ်ပေးရမှာဖြစ်တယ်။ ခုတော့တစ်ယောက်ထဲပြဿ နာမရှိပေမယ့် နောက်ပိုင်းမှာ အဲ့ဒီလိုအစီစဉ်တွေလုပ်ပေးရမှာဆိုတော့ ဘယ်လိုလုပ်ပြီး တတ်နိုင်မှာလဲလို့ စဉ်းစားတတ်ကြပါတယ်။
အလ္လာဟ်အရှင်မြတ်သခင် အမိန့်ရှိထားပါတယ်။
[အကယ်၍ ၄င်းတို့ဟာ ဆင်းရဲသူများဖြစ်တယ်ဆိုပါက အလ္လာဟ်အရှင်မြတ်က ၄င်းတို့အားမိမိကျေးဇူးတော်နဲ့ ကြွယ်ဝချမ်းသာစေမှာဖြစ်တယ်။] ကုရ်အာန်
(စူရာဟ်နူးရ်-၃၂)
ဟဇရသ်မုဖ်သီရှဖီးအ်ဆွာဟိဗ်က မိမိရဲ့ သဖ်စီရ်ကျမ်းထဲမှာ အဲ့ဒီအာယသ်တော်အား ဒီလိုအကျယ်ဖွင့်ဆိုပါတယ်။ ဆင်းရဲသူ ငွေကြေးအကျပ်အတည်းဖြစ်သူတို့အတွက် မြောက်များစွာသော သတင်းကောင်းတွေရှိပါတယ်။ ငွေရေးကြေးရေးအခက်အခဲ အကျပ်တည်းကိုစိုးရိမ်ပေမယ့် မိမိသာသနာတော်ကိုထိန်းသိမ်းဖို့နဲ့ မိမိရဲ့သန့်ပြန့်မှုကို ထိန်းသိမ်းစောင့်ရှောက်ရန်အတွက် ကောင်းမွန်လှသောရည်ရွယ်ချက်တွေနဲ့ ထိမ်းမြားလိုကြပါက အလ္လာဟ်အရှင်အမြတ်က ထိုသူ့အားချောင်လည်ကြွယ်ဝမှုကိုချီးမြှင့်တော်မူမှာဖြစ်ပါတယ်။
အကျပ်အတည်းကို စိုးရိမ်ပြီးနေကာဟ်မလုပ်ဘဲမနေကြပါနဲ့ ရိုဇီရိက္ခာရဲ့ပိုင်ရှင်ဟာ အလ္လာဟ်အရှင်မြတ်သခင်ဖြစ်ပါတယ်။
၄။ နေကာဟ်ကြောင့် သာသနာတစ်ဝက်ပြည့်ဝမယ် အာခိရသ်တမလွန်သာယာမယ်။
တမန်တော်မြတ်(ဆွ)အမိန့်ရှိတော်မူပါတယ်။ တစ်စုံတစ်ယောက်က နေကာဟ်ထိမ်းမြားလိုက်တယ်ဆိုပါက ထိုသူဟာမိမိရဲ့ဒီးန်တစ်ဝက်ကို ပြည့်ဝအောင်ပြုလုပ်လိုက်ခြင်းပဲဖြစ်ပါတယ်။ (မိရ်ှကားသ်ကျမ်း-267)
နေကာဟ်က ဒွန္နယာလောကမှာ အချိန်တိုင်းဖြစ်ရှိနေမယ့်အမလ်အိဗာဒသ်တစ်ခုဖြစ်သလို နေကာဟ်က ဂျန္နသ်ထိကိုတူတူရောက်ရှိပြီး တည်မြဲနေစေလိမ့်မယ်။
ဒါကြောင့် "ဟလာလ်relationship" ဖြစ်အောင် "ဟရာမ် relationship" ကိုစွန့်လွှတ်ပြီး နေကာဟ်ပြုကြပါ။
ဟရာမ်ကိုရှောင်ပြီး ဟလာလ်ကိုဆောင်ပါ။
မုဖ်သီဗရှီရွလ္လာဟ်(မဟ်မူဒီ-ကာစီမီ၊လားရှိုး)
[မည်သူမဆို လွတ်လပ်စွာရှဲနိုင်ပါတယ်။
ဘာသာရေးဗဟုသုတများဖတ်ရှုလိုပါက ယခုpageကို Likeလုပ်ထားပါ။]
unicode
"ဟလာလ် relationship"
==============
ဒီကနေ့ကျွန်တော်တို့ပတ်ဝန်းကျင် လူမှုအသိုက်အဝန်းမှာ နေကာဟ်မရှိဘဲ တည်ဆောက်ထားတဲ့ ပတ်သက်ဆက်နွယ်မှုတွေကို အများဆုံးမြင်တွေ့နိုင်ပါတယ်။ အနောက်ကမ္ဘာရဲ့ယဉ်ကျေးမှုတွေဟာ လူ့အသိုင်းဝိုင်းထဲမှာ အပြည့်အဝနီးပါးဝင်ရောက်သွားခဲ့ကြပြီး လူတွေဟာ ဟရာမ်ကိုကျူ းလွန်ဖို့ အပြစ်ဂိုနာဟ်တွေကိုပြုလုပ်ဖို့အတွက် ဝန်မလေးကြတော့တဲ့အနေအထားတစ်ခုကိုဖြစ်နေပါပြီ။ ဒါကနှလုံးသားထဲမှာ အလ္လာဟ်ကိုကြောက်တဲ့စိတ်လျော့ပါးနေလို့ပဲဖြစ်တယ်။
ဒီနေ့ ကျွန်တော်တို့ဟာ ခေတ်ရဲ့တိုးတက်မှုနဲ့အတူ မိမိရဲ့ မိသားစုအသိုင်းဝိုင်းကို ဒီးန်ရေးရာတွေမှာ တိုးတက်စွာဖန်တီးမှုတွေမပြုနိုင်ခဲ့ကြတာတွေကြောင့် မိသားစုတွေဟာ သာသနာရေးကိစ္စတွေမှာအားနည်းပြီး ခေတ်စနစ်ရဲ့ဆွဲခေါ်ရာဘက်ကို မသိမသာနစ်မွန်းမျောပါသွားခဲ့ကြကာ ကြာလာတဲ့အခါမှာတော့ ကူမနိုင်ကယ်မရဖြစ်ပြီး အမြစ်တွယ်နေတာတွေများစွာတွေ့ရပါတယ်။
ကျွန်တော်တို့ဟာ အနောက်ကမ္ဘာရဲ့ယဉ်ကျေးမှုအောက်မှာ စုန်းစုန်းမြုပ်ရောက်ရှိသွားကြပြီး လူငယ်တွေဟာ အစ္စလာမ့်စနစ်ကိုဆန့်ကျင်ပြီး သမီးရည်းစားအပတ်အသက်တွေနဲ့ ဟရာမ်ဆက်နွယ်မှုတွေအပေါ်မှာသာယာနေကြတာကိုဝမ်းနည်းစွာမြင်တွေ့နိုင်ပါတယ်။ ဒါကြောင့်မို့ဟလာလ်ဆက်နွယ်မှုတွေဖြစ်လာကြဖို့ သဘောက နိကာဟ်တွေဖြစ်လာကြဖို့ သာသနာရဲ့ လမ်းညွှန်ချက်ကို အချက်(၄)ချက်နဲ့ တိုက်တွန်းချင်ပါတယ်။
၁။ နေကာဟ်လုပ်ခြင်းဟာ အိဗာဒသ်တစ်ခုဖြစ်တယ်ဆိုတာသိထားပါ။
အစ္စလာမ်သာသနာက ပျော်စရာဖြစ်စေ၊ ပူဆွေးစရာဖြစ်စေ ကိစ္စရပ်တိုင်းမှာ ကျွန်တော်တို့ကို ပြည့်ဝတဲ့လမ်းညွှန်ချက်တွေပေးထားပါတယ်။ နိကာဟ်လို့ခေါ်တဲ့ မိသားစုဘဝအိမ်ထောင်ရေးနဲ့ပတ်သက်ပြီးလည်း ကုရ်အာန်နဲ့ဟဒီးစ်တော်တွေကနေ ဘယ်သာသနာကမှ မပြသထားတဲ့ အလွန်ကောင်းမွန်တဲ့လမ်းညွှန်ချက်တွေပေးထားပါတယ်။ အစ္စလာမ်သာသနာမှာ နေကာဟ်ထိမ်းမြားခြင်းဆိုတာ လောကီရေးရာ ကိစ္စတစ်ခုထက်ကိုပိုပါတယ်။ နေကာဟ်ထိမ်းမြားခြင်းကို အိဗာဒသ်အဖြစ် စဝါဗ်ကုသိုလ်ရရှိစေမယ့်အကြောင်းခံတစ်ခုအဖြစ်ပြုလုပ်ပေးထားပါတယ်။
တမန်တော်မြတ်(ဆွ)အမိန့်ရှိတော်မူပါတယ်။
မိမိရဲ့လိုအင်ဆန္ဒကို(မိမိရဲ့ဇနီးဖြင့်)ဖြည့်ကြပါ။ ဒါကပဲဆွဒကာအိဗာဒသ်ဖြစ်ပါတယ်။ သာဝက ဆွာဟာဗာတို့က အိုကိုယ်တော်သခင်! မိမိရဲ့စိတ်ဆန္ဒကိုပြည့်ဝအောင်ပြုလုပ်ပြီးကုသိုလ်ရတယ်ဆိုတာ ဒါဟာ ဘယ်လိုဆွဒကာအိဗာဒသ်လဲ?
တမန်တော်သခင် မိန့်ခြွေပါတယ်။ လူသားဟာပြုပိုင်ခွင့်မရှိတဲ့နေရာမှာ မိမိရဲ့စိတ်ဆန္ဒကိုပြည့်ဝအောင်ပြု လုပ်ခဲ့တယ်ဆိုရင် အပြစ်ထိုက်ပါမယ်။ ထိုနည်းအတိုင်းပဲ ဟလာလ်ဖြစ်တဲ့ပြုလုပ်ပိုင်ခွင့်ရှိတဲ့နေရာမှာ မိမိရဲ့စိတ်လိုအင်ဆန္ဒကိုဖြည့်ဆည်းခဲ့မယ်ဆိုရင် ဒါဟာ စဝါးဗ်ကိုရရှိစေပါတယ်။ (မိရှ်ကားသ်ကျမ်း-168)
ဒါကြောင့် နေကာဟ်လုပ်ခြင်းဖြင့် ဟရာမ်တွေမှရှောင်ရှားနိုင်မယ် စဝါဗ်ကုသိုလ်လည်းရရှိစေမယ် အိဗာဒသ်တစ်ခုကိုဆောက်တည်ရာလည်းကျမယ်ဆိုတာ သိထားဖို့လိုအပ်ပါတယ်။
၂။ နေကာဟ်လုပ်ခြင်းဟာ နဗီတမန်တော်များရဲ့စွန္နသ်ဓလေ့တော်ဖြစ်တယ်။
တမန်တော်မြတ်သခင် အမိန့်ရှိတော်မူပါတယ်။ လေးခုသောအရာဟာ နဗီတမန်တော်များရဲ့ စွန္နသ်တော်ဖြစ်ပါတယ်။ ၁။ နေကာဟ်လုပ်ခြင်း ၂။အမွှေးရနံ့သုတ်လိမ်းခြင်း ၃။မိစ်ဝါးက်တံပူတိုက်ခြင်း ၄။အရှက်တရားပြည့်ဝခြင်း များဖြစ်တယ်။
ကုရ်အာန်ကျမ်းတော်မြတ်ထဲမှာ အလ္လာဟ်အရှင်မြတ်သခင်ကအမိန့်ရှိထားပါတယ်။
[မုချငါအရှင်မြတ်က အသင့်အလျင် ရစူလ်တမန်တော်များကိုစေလွတ်ခဲ့ပါတယ်။ ၎င်းနောက်ငါအရှင်မြတ်က ထိုသူများအတွက် ဇနီးကြင်ယာများနဲ့ သားသမီးများကို စီမံပြုလုပ်ပေးတော်မူခဲ့ပါတယ်။ (စူရာဟ်ရအဒ် -၃၈)
ဒါကြောင့် နေကာဟ်လုပ်ပြီး ဟလာလ်ဖြစ်အောင်ကြိုးစားပါ။ နဗီများရဲ့စွန္နသ်တော်အပေါ်မှာ လိုက်နာခြင်းဖြင့် စဝါးဗ်ရယူပါ။
၃။ ငွေရေးကိစ္စအပေါ်အလွန်သောကမပိုက်ထားပါနဲ့။
နေကာဟ်လုပ်ပြီးတဲ့နောက်ပိုင်းမှာ အိမ်စရိတ် အမျိုးသမီးသုံးစွဲစရိတ် အစားအသောက်စရိတ် စသဖြင့်အရေးကြီးတဲ့ကိစ္စရပ်တွေကို စီစဉ်ပေးရမှာဖြစ်တယ်။ ခုတော့တစ်ယောက်ထဲပြဿ နာမရှိပေမယ့် နောက်ပိုင်းမှာ အဲ့ဒီလိုအစီစဉ်တွေလုပ်ပေးရမှာဆိုတော့ ဘယ်လိုလုပ်ပြီး တတ်နိုင်မှာလဲလို့ စဉ်းစားတတ်ကြပါတယ်။
အလ္လာဟ်အရှင်မြတ်သခင် အမိန့်ရှိထားပါတယ်။
[အကယ်၍ ၎င်းတို့ဟာ ဆင်းရဲသူများဖြစ်တယ်ဆိုပါက အလ္လာဟ်အရှင်မြတ်က ၎င်းတို့အားမိမိကျေးဇူးတော်နဲ့ ကြွယ်ဝချမ်းသာစေမှာဖြစ်တယ်။] ကုရ်အာန်
(စူရာဟ်နူးရ်-၃၂)
ဟဇရသ်မုဖ်သီရှဖီးအ်ဆွာဟိဗ်က မိမိရဲ့ သဖ်စီရ်ကျမ်းထဲမှာ အဲ့ဒီအာယသ်တော်အား ဒီလိုအကျယ်ဖွင့်ဆိုပါတယ်။ ဆင်းရဲသူ ငွေကြေးအကျပ်အတည်းဖြစ်သူတို့အတွက် မြောက်များစွာသော သတင်းကောင်းတွေရှိပါတယ်။ ငွေရေးကြေးရေးအခက်အခဲ အကျပ်တည်းကိုစိုးရိမ်ပေမယ့် မိမိသာသနာတော်ကိုထိန်းသိမ်းဖို့နဲ့ မိမိရဲ့သန့်ပြန့်မှုကို ထိန်းသိမ်းစောင့်ရှောက်ရန်အတွက် ကောင်းမွန်လှသောရည်ရွယ်ချက်တွေနဲ့ ထိမ်းမြားလိုကြပါက အလ္လာဟ်အရှင်အမြတ်က ထိုသူ့အားချောင်လည်ကြွယ်ဝမှုကိုချီးမြှင့်တော်မူမှာဖြစ်ပါတယ်။
အကျပ်အတည်းကို စိုးရိမ်ပြီးနေကာဟ်မလုပ်ဘဲမနေကြပါနဲ့ ရိုဇီရိက္ခာရဲ့ပိုင်ရှင်ဟာ အလ္လာဟ်အရှင်မြတ်သခင်ဖြစ်ပါတယ်။
၄။ နေကာဟ်ကြောင့် သာသနာတစ်ဝက်ပြည့်ဝမယ် အာခိရသ်တမလွန်သာယာမယ်။
တမန်တော်မြတ်(ဆွ)အမိန့်ရှိတော်မူပါတယ်။ တစ်စုံတစ်ယောက်က နေကာဟ်ထိမ်းမြားလိုက်တယ်ဆိုပါက ထိုသူဟာမိမိရဲ့ဒီးန်တစ်ဝက်ကို ပြည့်ဝအောင်ပြုလုပ်လိုက်ခြင်းပဲဖြစ်ပါတယ်။ (မိရှ်ကားသ်ကျမ်း-267)
နေကာဟ်က ဒွန္နယာလောကမှာ အချိန်တိုင်းဖြစ်ရှိနေမယ့်အမလ်အိဗာဒသ်တစ်ခုဖြစ်သလို နေကာဟ်က ဂျန္နသ်ထိကိုတူတူရောက်ရှိပြီး တည်မြဲနေစေလိမ့်မယ်။
ဒါကြောင့် "ဟလာလ်relationship" ဖြစ်အောင် "ဟရာမ် relationship" ကိုစွန့်လွှတ်ပြီး နေကာဟ်ပြုကြပါ။
ဟရာမ်ကိုရှောင်ပြီး ဟလာလ်ကိုဆောင်ပါ။
မုဖ်သီဗရှီရွလ္လာဟ်(မဟ်မူဒီ-ကာစီမီ၊လားရှိုး)
[မည်သူမဆို လွတ်လပ်စွာရှဲနိုင်ပါတယ်။
ဘာသာရေးဗဟုသုတများဖတ်ရှုလိုပါက ယခုpageကို Likeလုပ်ထားပါ။]
Comments