သူဆင်းရဲတဦးသည် အီးဒ်ပွဲတော်

တခါတွင် သူဆင်းရဲတဦးသည် အီးဒ်ပွဲတော်နေ့တွင်

ပျော်ပါးစားသောက်နေကြသူတို့အားမြင်တွေ့ရာ

လူချမ်းသာတို့သည် ကိုယ်စီကိုယ်စီ အသား၊ငါးတို့ဖြင့် မြိန်ယှက်စွာ စားသောက်နေကြသည်။

ထိုအချိန် သူဆင်းရဲဖြစ်သူသည် မိမိအိမ်သို့ပြန်လာခဲ့သည်။ အိမ်အတွင်းဝင်ရောက်သည်နှင့် ဇနီးဖြစ်သူက အသင့်ပြင်ဆင်ထားသည့် စားပွဲဝိုင်းတွင်ထိုင်ကာ စားသောက်ရန် ကြည့်ရှုရာ မုန့်အနည်းငယ်နှင့်ပြုတ်ထားသည့် ပဲနီလေး တခွက်ကိုသာတွေ့ရပြီး စိတ်ပျက်အားငယ်စွာ ပဲနီလေးတစေ့ကိုအခွံသင်လိုက်စားလိုက်လုပ်နေရင်း စိတ်ထဲတွင်အတွေးပေါ်နေသည်။" လူတွေ စားကောင်းသောက်ဖွယ်ရာတွေစားနေကြတယ်။ငါက ဒီပဲနီလေးတခွက်ကိုစားနေရပါ့လား" တွေးရင်း သက်ထားသည့် အခွံတို့ကို ပြတင်းပေါက်မှ အောက်သို့ပစ်ချနေသည်။

စားသောက်ပြီး အိမ်အောက်ကိုဆင်းလာသည့်အခါ သူ့ဘဝတွင် မည်သည့်အခါမှ မမေ့စေနိုင်သည့် မြင်ကွင်းကို တွေ့ရလေသည်။

လူတယောက် သူပစ်ချထားသည့် ပဲနီလေးအစေ့အခွံကိုသန့်ရှင်းပြုလုပ်ကာ ထိုင်ပြီးစားနေသည်ကိုမြင်လိုက်ရပြီ စိတ်နှလုံးသားတွင် ရှက်ရွံ့မှုကိုခံစားရင်း ရိုကျိုစွာဖြင့် အောက်ပါဒိုအာကိုတောင်းခံမိလေတော့သည်။

" အို... ဖန်ဆင်းမွေးမြူ တော်မူသော ကျွန်တော်မျိုး၏အရှင်သခင် ၊ အရှင်မြတ်၏ကြီးကျယ်သော ဆန္ဒတော်နှင့် အရှင်မြတ်၏ စိုးပိုင်သောအာဏာစက်နှင့်ထိုက်တန်တော်မူသည့်အတိုင်း ချီးကျုးမှုအလုံးစုံတိုသည် အရှင်မြတ်အတွက်သာဖြစ်ပါသည်။အရှင်မြတ်၏စီမံသတ်မှတ်မှုအပေါ်ကျွန်တော်မျိုးနာခံဦးညွှတ်ပါပြီ။ "

( စကားချပ် )

စာရှုသူ- သင့်အပေါ် အရှင်မြတ်ချီးမြှင့်ပေးထားသည့် နေအ်မသ် စည်းစိမ်တိုင်းကို သင်ကျေနပ်လိုက်ပါ။အရှင်မြတ်သည် ( အလ်အလီမ်) အရာရာအကြွင်းမဲ့သိရှိတော်မူသောအရှင်၊ ( အလ်ဟကီးမ် ) မြော်မြင်ဆင်ခြင်မှုတရားနှင့်ပြီးပြည့်စုံသောအရှင်ဖြစ်ပါတယ်။ သင်နှင့်ထိုက်တန်သော နေအ်မသ်ကို သင့်ထက်သင့်အားဖန်ဆင်းရှင်သည် ပိုမိုအနှိုင်းမဲ့သိပါတယ်။ သင့်အတွက် အရှင်မြတ်ပေးကမ်းချီးမြှင့်သော အရာရာကို ( အလ်ဟမ်ဒုလစ်လ္လာဟေ့ အလာကွလ်လေ့ဟာလ် ) အခြေအနေအရပ်ရပ်တိုင်းအပေါ်မှာ အလ္လာဟ်အရှင်မြတ်အား

ချီးကျုးနေပါလေ။

لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ (7)

အကယ်၍ အသင်တို့( ငါ့အရှင်၏နေအ်မသ်တော်ကို ) ကျေးဇူးသိတတ်ပါက ဆထက်တပိုးပိုမို၍ ငါအရှင်ချီးမြှင့်ပေးမူမည်။သို့တည်းမဟုတ် အသင်တို့ ( ငါအရှင်ချီးမြှင့်မှုအား) သွေဖီငြင်းဆန် ( ကျေးဇူးတရားမသိတတ်ပါက ) ဧကန်မလွဲ ငါအရှင် ့်မြတ်၏အပြစ်ဒဏ်ခပ်ခြင်းကား မုချဆိုးရွားပြင်းထန်လှပေသည်။

စာရှုသူမိတ်ဆွေ -

သင့်တွင်ကိုယ်ခန္ဓာပြီးပြည့်စုံခြင်း

ရုပ်အသွင် ပြေပြစ်စေခြင်း ၊ နေ့စဉ်အစားအစာ မပြတ်မလပ် စားနိုင်ခြင်း၊ ယုတ်စွအဆုံး ကျင်ကြီး၊ကျင်ငယ် စွန့်မှုသည်ပင် လွယ်ကူနေပါသည်။

လူတချို့ ကိုယ်ခန္ဓာမပြည့်စုံခြင်း ၊ ရက်ခြားသာ စားသောက်နိုင်ခြင်း ၊ ဆီး ၊ ဝမ်းကိုပင် ပိုက်ကြီးပိုက်ငယ်အသွယ်သွယ်ဖြင့် သွားနေရသည်ကိုသင်သတိပြုပါ။

စာရှုသူအားအစဉ်လေးစားလျှက် -

မင်းမဟာ ( ပညာရပ်ဝန်း )