အစ်ခ်လားဆွ် ရဲ့ အစွမ်း

အစ်ခ်လားဆွ် ရဲ့ အစွမ်း

🎈🎈🎈🎈🎈🎈🎈🎈🎈

အေဟ်ယာအွတ်လ် အုလူးမ်ကျမ်းမှာ လာရှိတယ်

သူတော်စင်တပါးဟာ အေဗာဒသ်မှာ နေ့ရောညပါ မွေ့လျှော်နေလေ့ရှိတယ်

တရက် သတင်းကြားရတယ်

တနေရာက လူတွေ သစ်ပင်တပင်ကို ကိုးကွယ်နေကြတယ် ဆိုပြီး

သူတော်စင်ဟာ အလ္လာအသျှင်မြတ်အတွက် သာသနာအတွက် ဒေါသဖြစ်ပြီး ပုဆိန်တလက် ပုခုံးပေါ် ထမ်းကာ အပင်ကို ခုတ်ပစ်ဖို့ ထွက်လာတယ်

လမ်းခုလတ်မှာ အဘိုးအိုတယောက် အသွင်ဆောင်ထားတဲ့ ရိုင်သွာန် နဲ့ ဆုံတယ်

အဘိုးအို က မေးတယ်

ဘိုင်!

ဘယ်သွားမလို့လဲ?

​

သူတော်စင်က အပင်ခုတ်မလို့ဆိုတော့

အဘိုးအို ပြောတယ်

ခင်ဗျား ကိုယ်အေဗာဒသ် ကိုယ်လုပ်စမ်းပါ

အပင်ကို သွားခုတ်မနေနဲ့

အပိုပဲ

ခင်ဗျား ဒီအပင်ကို ခုတ်လိုက်ရင် သူတို့က နောက်တပင်စိုက်ပြီး ကိုးကွယ်လိမ့်မယ်

သူတော်စင်က လက်မခံဘူး

ကျုပ် သွားပြီး ခုတ်ဖြစ်အောင်ကို ခုတ်မယ် ဆိုတော့

အဘိုးအိုက တားတယ်

အဲဒီမှာ ၂ယောက် နပန်းလုံးကြတယ်။

သူတော်စင်က အဘိုးအို ကို ဆွဲလှဲပြီး ရင်ဘတ်ပေါ် ခွထိုင်လိုက်တယ်။

အဘိုးအိုက ပြောတယ်

ခင်ဗျား ကျွန်တော့်ကို လွှတ်ပေးပါ ခင်ဗျားကို ကျွန်တော် စကားတခွန်းပြောစရာရှိတယ် ဆိုတော့ သူတော်စင်က လွှတ်ပေးလိုက်တယ်

သူက ပြောတယ်

ဒီအပင်ခုတ်ဖို့ အသင့်အပေါ် ဖရဇ်တာဝန်လည်း မဟုတ်ဘူး

အသင်ကိုးကွယ်တာမဟုတ်တော့

အသင့်အတွက် ဘာမှ နစ်နာစရာလည်း မရှိဘူး

အလ္လာအသျှင်မြတ်ရဲ့ နဗီတွေ အများကြီး ရှိတာပဲ

လိုအပ်ရင် နဗီတပါးပါး စေလွှတ်ပြီး ဒီအပင်ကို ခုတ်ခိုင်းမှာပေါ့

သူတော်စင်က ပြောတယ်

ကျုပ်ကတော့ ခုတ်ကို ခုတ်မှာပဲ

ဆိုတော့ 

နောက်တကြိမ် နပမ်းလုံး ကြပြန်တော့လည်း သူတော်စင်ပဲ နိုင်တယ်

အဲဒါနဲ့ ရိုင်သွားန်က ပြောတယ်

ကောင်းပြီ

ခင်ဗျားကို ကျွန်တော် နောက်ဆုံးပြောမယ်

ခင်ဗျားလည်း အကျိုးရှိမယ်

ဘာလဲ ပြော ဆိုတော့

ခင်ဗျားဟာ နွမ်းပါးတဲ့လူတယောက် ဖြစ်တယ်

ခင်ဗျား ဒီအပင်ကို မခုတ်နဲ့

ကျွန်တော် ခင်ဗျားကို နေ့စဉ် ရွှေဒင်္ဂါး ၃ပြား ပေးမယ်

ခင်ဗျား အိပ်ရာနိုးတာနဲ့ ခေါင်းရင်းမှာ ရွှေဒင်္ဂါး ၃ပြား တွေ့လိမ့်မယ်။

ခင်ဗျား လိုအပ်တဲ့ နေရာမှာ သုံးလို့ရမယ်

ဆွေမျိုးသားချင်းများ ကို ထောက်ပံ့လို့ရမယ်

မရှိဆင်းရဲသားတွေကို ပေးကမ်းလို့လည်း ရမယ်

ခင်ဗျား အပင်ခုတ်ရင် စဝါးဗ်တခုတည်း ရမှာ

အခု ခင်ဗျား စဝါးဗ်ကုသိုလ်တွေ အများကြီးရဖို့ ရှိတယ်

သူတော်စင်လည်း လက်ခံလိုက်တယ်

၂ရက်လောက်တော့ ခေါင်းရင်းမှာ ရွှေဒင်္ဂါး ၃ပြားစီ ရတယ်

၃ရက်မြောက်နေ့ကျတော့ မရတော့ဘူး

သူတော်စင်လည်း ဒေါသူပုန်ထ ပြီး ပုဆိန်ယူကာ ထွက်လာတယ်

လမ်းမှာ အဘိုးအို နဲ့တွေ့ပြန်တယ်

ဘယ်လဲ 

အပင်ခုတ်မလို့ 

ဆိုတော့

မရဘူး မသွားရဘူး လို့ တားတယ်

တခါ ထပ်ပြီး နပမ်းလုံး ကြတော့ အဘိုးအို နိုင်သွားတယ်

သူတော်စင်ရဲ့ ရင်ဘတ်ပေါ်ကို ရိုင်သွားန်က ခွထိုက်လိုက်တယ်

သူတော်စင်လည်း အံ့အားသင့် သွားတယ်

ဒီတခေါက် မင်း ဘာလို့ နိုင်သွားတာလဲ မေးတော့

အဘိုးအိုက ပြောတယ်

ပထမတခေါက်တုန်းက ခင်ဗျားဒေါသထွက်တာက အလ္လာအသျှင်မြတ်အတွက် သက်သက် ဖြစ်တယ်

ဒါ့ကြောင့် အလ္လာအသျှင်မြတ်က ခင်ဗျားကို အနိုင်ရစေခဲ့တယ်

အခု ခင်ဗျားဒေါသထဲမှာ ရွှေဒင်္ဂါး မရလို့ ဆိုတာလည်း ရောပါနေပြီ

ဒါ့ကြောင့် ခင်ဗျား ရှုံးသွားတာ

အမှန်ပဲ

အလ္လာအသျှင်မြတ်အတွက် သက်သက် လုပ်တဲ့ အလုပ်မှာ အလ္လာအသျှင်မြတ်က အင်အား အကူအညီ အပြည့်အဝ ထည့်ထားတော်မူတယ်။

ဖဇာအေလေ ဇစ်က်ရ်ကျမ်း

တွဲ ၁

စာ ၃၅၀

စည် သူ အောင်

                   🌴ဇင်မင်းထိုက် မျှဝေသည်🌴