လက်ဖြင့် အစာစားခြင်းက တမန်တော်မြတ်(ﷺ)ကိုယ်တော်သခင်ရဲ့ စွန္နသ်အမလ်ဖြစ်ပါသည်။

လက်ဖြင့် အစာစားခြင်းက တမန်တော်မြတ်(ﷺ)ကိုယ်တော်သခင်ရဲ့ စွန္နသ်အမလ်ဖြစ်ပါသည်။

လက်ဖြင့် အစာစားခြင်း၏ အကျိုးကျေးဇူး

အစာစားတာက အာရုံငါးပါးနဲ့ စိတ်ကို အသုံးပြုရတဲ့ လုပ်ငန်းစဉ်ဖြစ်ပါတယ်။ ဗိုက်ဖြည့်နေစဉ်အတွင်း အနံ့၊ အမြင်၊ အရသာ၊ အထိ၊ အကြားစတဲ့ အာရုံ ငါးပါးစလုံးကို အသုံးချသွားတာက အစာရဲ့ အရသာကို ပိုမိုရရှိစေပြီး အစာခြေမှုကိုလည်း ပိုမိုကောင်းမွန်နိုင်ပါတယ်။ အရင်တုန်းကတော့ ကျွန်မတို့လူမျိုးအများစုက

ထမင်းစားရင် လက်နဲ့ပဲ စားလေ့ရှိကြပေမယ့် နောက်ပိုင်းမှာ လက်နဲ့စားတာက ကျန်းမာရေးနဲ့ မညီညွတ်ဘူးလို့ ထင်တာက တစ်ကြောင်း၊ ရွံစရာကောင်းတယ်လို့ ထင်တာက တစ်ကြောင်းကြောင့် ဇွန်း၊ ခက်ရင်းကို အသုံးပြုပြီး ထမင်းစားလာကြပါတယ်။ အမှန်မှာတော့ လက်နဲ့ ထမင်းစားတာကြောင့် ကျန်းမာရေး

အတွက် အောက်ပါအကျိုးကျေးဇူးတွေ များစွာ ရှိပါတယ်။
------------------------------------------
အထိအတွေ့အာရုံအတွေ့အကြုံ ရရှိနိုင်
အာယုဗေဒနည်းလမ်းအရ လက်တစ်ချောင်းစီက ဓာတ်ကြီးငါးပါးတစ်ခုစီနဲ့ ဆက်စပ်နေတယ်လို့ သိရပါတယ်။ အထူးသဖြင့် လက်မက စကြဝဠာ၊ လက်ညှိုးက လေ၊ လက်ခလယ်က မီး၊ လက်သူကြွယ်က ရေ၊ လက်သန်းက မြေကို ကိုယ်စားပြုတယ်လို့ ဆိုပါတယ်။ လက်နဲ့ ထမင်းစားလိုက်တဲ့အခါမှာ ဖြစ်စဉ်တစ်ခု

လုံးက ဓာတ်ကြီးငါးပါးကို လှုံ့ဆော်မှုပေးလိုက်တဲ့အတွက် သင်စားမယ့်အစား အစာပေါ်မှာ စွမ်းအင်ရဖို့ ကူညီနိုင်တာကြောင့် ဓာတ်ကြီးငါးပါး ညီညွတ်မျှတသွားပြီး ကျန်းမာရေးကောင်းမွန်စေနိုင်ပါတယ်။ အာရုံငါးပါးပေါ်မှာ လှုံ့ဆော်မှုပေးတာကြောင့် အစာရဲ့ အရသာ၊ အနံ့နဲ့ နူးညံ့မှုမှာ ပိုပြီး အာရုံစိုက်မိနိုင်ပါတယ်။
------------------------------------------
သဘာဝဆင်ဆာလို ပြုမူနိုင်

အစာကို ဇွန်းနဲ့ ခက်ရင်းနဲ့ စားတဲ့အခါမှာ အစာက ပါးစပ်ထဲကို တိုက်ရိုက် ရောက်သွားတဲ့အတွက် အစာရဲ့ အပူချိန် ဘယ်လောက်ရှိလဲဆိုတာ မှန်းဆလို့ မရနိုင်ပါဘူး။ ဒါကြောင့် ပူလွန်းတဲ့ အစားအစာကို စားမိရင် လျှာကျက်တာလိုမျိုး ပြဿနာတွေ ဖြစ်လာနိုင်ပါတယ်။ သင့်လက်နဲ့ အစာစားတာကြောင့် လက်

ချောင်းမှာ ရှိတဲ့အာရုံကြောတွေက အစာရဲ့ အပူချိန်ကို အာရုံခံနိုင်တဲ့အတွက် သင့်လျှာအပူလောင်တာမဖြစ်အောင် ကာကွယ်နိုင်ပါတယ်။ ဒါ့အပြင် လက်ချောင်းမှ အာရုံကြောတွေက သင်ဘာစားမလဲဆိုတာကို ဦးနှောက်က အချက်ပြပေးနိုင်တဲ့အတွက် ဦးနှောက်က သင်စားမယ့်အစားအစာနဲ့ သင့်တော်တဲ့ အစာ

ခြေရည်တွေ၊ အင်ဇိုင်းတွေကို ထုတ်လုပ်ပေးအောင် လှုံ့ဆော်နိုင်တဲ့အတွက် အစာရဲ့ အရသာပိုမိုခံစားနိုင်ပါတယ်။
------------------------------------------
အစာခြေမှုကောင်းမွန်နိုင်

သင့်လက်ဖဝါးနဲ့ လက်ချောင်းတွေကြားမှာ ကျန်းမာရေးအတွက် ကောင်းစေတဲ့ လူ့အကျိုးပြုဘက်တီးရီးယားနဲ့ ဆိုးကျိုးပေးတဲ့ ဘက်တီးရီးယား နှစ်မျိုးစလုံး ရှိနေတတ်ပါတယ်။ လူ့အကျိုးပြု ဘက်တီးရီးယားတွေက ပတ်ဝန်းကျင်က ပါလာတဲ့ ဆိုးရွားတဲ့ ပိုးမွှားရန်ကနေ ကာကွယ်ပေးပါတယ်။ ဇွန်းခက်ရင်းနဲ့ စား

လိုက်တဲ့အခါမှာတော့ လူ့အကျိုးပြုဘက်တီးရီးယားတွေရဲ့ အကျိုးကျေးဇူးကို မရရှိနိုင်ပါဘူး။ လက်နဲ့ အစာစားတဲ့အခါမှာ လက်မှ လူ့အကျိုးပြုဘက်တီးရီးယားတွေက ပါးစပ်မှတစ်ဆင့် ခန္ဓာကိုယ်ရဲ့ တခြားနေရာတွေကို ရောက်ရှိသွားတဲ့အတွက် အစာခြေမှုကောင်းမွန်နိုင်ပြီး အူထဲမှာ ဒုက္ခပေးတဲ့ ဘက်တီးရီးယားတွေ

ပွားများမှုမရှိအောင် ကာကွယ်ပြီးသား ဖြစ်သွားပါတယ်။ ဒါ့အပြင် အစာကို လက်နဲ့ထိလိုက်တဲ့အခါမှာ ဦးနှောက်က အစာခြေစနစ်နဲ့ အင်ဇိုင်းတွေက စားမယ့် အစားအစာနဲ့လိုက်ပြီး ထွက်ရှိလာတဲ့အတွက် အစာခြေမှုကို ပိုမိုကောင်းမွန်စေနိုင်ပါတယ်။
------------------------------------------
ဆီးချိုရောဂါဖြစ်နိုင်ခြေ လျှော့ချနိုင်

ဇွန်းနဲ့ခက်ရင်းနဲ့ ထမင်းစားတာက အလွန်လွယ်ကူတဲ့အတွက် အစာကို မြန်မြန်စားမိသွားတတ်ပါတယ်။ ဒါကြောင့် ခန္ဓာကိုယ်တွင်း သွေးတွင်းသကြားဓာတ် ထိန်းညှိနိုင်မှုမရှိတော့ဘဲ အမျိုးအစား ၂ ဆီးချိုရောဂါဖြစ်နိုင်ခြေတွေ ပိုမြင့်မားနိုင်ပါတယ်။ ၂၀၁၂ ခုနှစ်က လေ့လာမှုအရ အစာကို မြန်မြန်စားသုံးတတ်သူတွေက

အစာကို အချိန်ပေးပြီး စားသုံးသူတွေထက် ဆီးချိုရောဂါဖြစ်နိုင်ခြေ ၂ ဒသမ ၅ ဆ ပိုများတယ်လို့ သိရပါတယ်။ လက်နဲ့ ထမင်းစားတာက ထမင်းတစ်လုတ်စာအတွက် အစာပမာဏအနည်းငယ်သာဝင်တဲ့အတွက် အစာစားနှုန်း နှေးကွေးသွားတတ်ပါတယ်။ အစာစားနှုန်းနှေးတာက အစာခြေတာ ပိုမိုကောင်းမွန်ပြီး

အစာအိမ်က ဗိုက်ပြည့်အင့်နေကြောင်း ဦးနှောက်ကို ပေးပို့ချိန်ရရှိသွားတဲ့အတွက် အစာပမာဏ အနည်းငယ်သာ စားမိသွားတတ်ပါတယ်။
------------------------------------------
ကျန်းမာရေးနှင့် ပိုမိုညီညွတ်နိုင်

အစာကို လက်နဲ့ ကိုင်တွယ်တာက ကျန်းမာရေးနဲ့ မညီညွတ်ဘူးလို့ သင်ထင်နေပေမယ့် အမှန်မှာတော့ ပြောင်းပြန်ပါ။ လက်နဲ့ ထမင်းစားတတ်သူက ထမင်း မစားခင်မှာ လက်ကို သေချာဆေးကြောလေ့ရှိပါတယ်။ ဒါ့အပြင် နေ့စဉ် လက်ကို အကြိမ်ကြိမ်အခါခါ ဆေးကြောတဲ့အကျင့်ကလည်း ရရှိထားပြီးသားဖြစ်ပါတယ်။ ဇွန်းနဲ့ ခက်ရင်းကို အသုံးပြုပေမယ့် သူတို့ကို အမြန်ဆေးကြောလိုက်တဲ့အခါမှာ သေသေချာချာ စင်ကြယ်မှုမရှိနိုင်တာကြောင့်ပါ။
------------------------------------------
အစာထဲ စိတ်နှစ်ပြီး စားနိုင်

ဇွန်းနဲ့ခက်ရင်းနဲ့ စားတာက အစာပေါ်မှာ အာရုံစူးစိုက်မှုသိပ်မရှိတဲ့အတွက် သင်ဘယ်လောက်စားမိလဲဆိုတာကို သတိမထားမိတတ်ကြပါဘူး။ ဒါ့အပြင် အစာစားနေစဉ်မှာလည်း တီဗီကြည့်တာ၊ ဖုန်းကြည့်တာ၊ သတင်းစာဖတ်နေတာလိုမျိုး အလုပ်တွေကို ပြုလုပ်နိုင်နေတဲ့အတွက် အစာပေါ်မှာ အာရုံမထားမိတော့ဘဲ

သင်စားတဲ့ပမာဏကို မချိန်ဆနိုင်တော့ပါဘူး။ လက်နဲ့အစာစားတာက အစာပေါ်မှာပဲ အာရုံထားတတ်ပြီး သင် ဘယ်လောက်ပမာဏစားမိလဲဆိုတာ သိရှိနိုင်ပါတယ်။ သင့်လက်တွေ အလုပ်ရှုပ်နေတဲ့အတွက် တီဗီကြည့်တာ၊ ဖုန်းကြည့်တာလိုမျိုး အလုပ်တွေကို မလုပ်နိုင်တော့တာကြောင့် အစာအနည်းငယ်ပဲ စားမိတဲ့

အတွက် အဝလွန်တာမဖြစ်အောင် ကာကွယ်နိုင်ပါတယ်။
------------------------------------------
Tips !!!
► အစာမစားခင်နဲ့ အစာစားအပြီး သင့်လက်ကို သေချာဆေးကြောပါ။
► ဟင်းတုံးအကြီးတွေကို သင့်လက်နဲ့ အလွယ်တကူ ကိုင်တွယ်စားသောက်နိုင်တဲ့ အရွယ်ပမာဏဖြစ်အောင် လှီးဖြတ်ထားပါ။
► လက်နဲ့ ထမင်းစားတဲ့အခါမှာ ထမင်းပန်းကန်ပေါ်ကို ခါးကို မကုန်းထားမိပါစေနဲ့။ မတ်မတ်ထိုင်ပါ။ စားပွဲပေါ် လက်တံတောင် ထောက်မစားပါနဲ့။
► လက်နဲ့ထမင်းစားတဲ့အခါမှာ ထမင်းလုတ်သေးသေးသာ စားပါ။
#XYZ
အင်န်ရှာအလ္လာဟ် အကြင်မည်သူမဆို တမန်တော်မြတ်(ﷺ)ကိုယ်တော်ရဲ့ စွန္နသ်တော်တစ်ခုကို အကောင်အထည်ဖော်ရင် ရှဟီးဒ်ပေါင်းအပါး(၁၀၀)ရဲ့ စဝါးဗ်ကို မုချရရှိပိုင်ဆိုင်သွားပါလိမ့်မည်။
والله اعلم بالصواب
Si Thu Aung